Khedi Hotel by Ginza Project (პროექტ გინზას სასტუმრო „ხედი“) მდებარეობს თბილისის ერთ-ერთ უძველეს უბანში, ავლაბარში, წმინდა სამების საკათედრო ტაძარსა და მშვიდობის ხიდთან ახლოს. სასტუმრო ამართლებს საკუთარ სახელწოდებას - მისი ოთახებიდან იშლება პანორამული ხედი ძველი ქალაქის სახურავებსა და თანამედროვე უბნებზე, ზვიად გამსახურდიას სანაპიროსა და ქალაქს გულდასმით გარშემორტყმულ მთების ყელსაბამზე.

მრავალფუნქციური კომპლექსის პირველი შენობა გვთავაზობს თავშეკავებულ ნეოკლასიკურ სტილში გაფორმებულ ოთახებს, დეკორის ფერადი ელემენტების ღია, ნათელი მსუბუქი გაფორმებებით და წარმოადგენს “დიზაინ ბიუროს“ დამფუძნებლის ნია მგალობლიშვილის თვალით დანახულ მოდერნისტულ საქართველოს. თბილი მწვანე ელფერის გრადიენტი და ხის ავეჯი, სიმშვიდის განცდას აუფლებს და სტუმარს საშუალებას აძლევს, დაისვენოს და თავი საკუთარ სახლში აგრძნობინოს.

უკრაინული დიზაინის სტუდია EVDOKIMOV.DESIGN-ის მიერ მოწყობილი მეორე შენობის სივრცე გვხვდება თბილი ფერებით, ორასწლიანი ხითა და ტექსტურირებული ქსოვილებით.

სივრცისადმი ორი განწყობა, ორი მიდგომა, თავისებურად ადიდებს ქართულ კულტურასა და ოსტატობას. ბუნებრივი ფერები, უხვი გამწვანება, ავეჯისა და ქსოვილების სიმრავლე სრულიად საქართველოს ოსტატებისგან: სასტუმროს ინტერიერი ქართველი ოსტატების სადიდებელია, რომლებიც გულდასმით ინარჩუნებენ და თაობიდან თაობას გადასცემენ თავიანთი წინაპრების ტრადიციებსა და კულტურას.

ახალ დიზაინ-სასტუმროში, სტუმრების მიზიდულობის ცენტრებია, პირველი შენობის, თანამედროვე და თავშეკავებული დატვირთვის საერთო და მეორე შენობის, გამჭვირვალე პირამიდისებრი ჭერის ქვეშ მოწყობილი გამწვანებული სივრცე, რომელიც მოგვაგონებს ძველი თბილისის სახლების შიდა ეზოებს. თითოეულ ლობიში განთავსებულია რეცეფცია, დასასვენებელი სივრცე, ლაუნჯ- ზონა და ბარი, სადაც სტუმარს შეუძლია მიირთვას დილის არომატული ყავა ან საღამოს კოქტეილი.

სტუმრებს შეუძლიათ ისარგებლონ სასტუმროს ფიტნეს-დარბაზისა და სპა კომპლექსის მომსახურეობით. საქმიანი ღონისძიებებისთვის შენობაში განთავსებულია საკონფერენციო დარბაზი 250 დამსწრეზე.

სასტუმროში ფუნქციონირებს რესტორანი "ხედი", რომლის სამზარეულოს ხელმძღვანელობს, მიშლენის მეგზურის მიერ აღნიშნული, პირველი ქართველი შეფ-მზარეული - იზო ძანძავა. რესტორნის მენიუს საფუძვლად უდევს ქართული სამზარეულოს კერძები, რომელთა რეცეპტები, იზო ძანძავას ოჯახში, თაობიდან თაობას გადაეცემოდა და ასევე, დატვირთულია საქართველოს კულინარიული ტრადიციების ავტორისეული ინტერპრეტაციით.